انت الجوكر لو كنت واحدك
انت الجوكز لو كنت واحدك
اكيد عارف الجوكر اللي في الكوتشينه انا حقيقي ملعبش بيه قبل كدا لكن لعب الدور اللي بيقولوعليه الجوكر
بص الجوكر دا الشخص اللي بالنسبه لبتوع الاداره متعدد المهام بيعمل كذا حاجة ويمكن بحتراف كمان
تعرف اللي بيكون الصبح في الشركة مدير وبليل عامل نظافه علشان الناس تيجي الصبح الشركة نضيفه
لما بتاع خدمه العملاء يقرر يغيب هو اللي بيشيل شغله
يا سلام بقي لو الشركة بتتعامل مع سبليرز موردين كتير ولازم حد يتواصل معهم هو دا اول واحد
لعبه الجوكر هتحسها احيانا ممتعه واحيانا تانيه مرهقه (ما انا كنت ابن ناس ومرتبي حلو ). دا بالظبط اللي بيقوله لنفسه لما يشوف تاسك تلوح في الافق لكن هتشوف في عيونه احساس الانتصار في المعركة لما التاسك تخلص زاي ما هي مطلوبه
ليه بقولك دا علشان وانت في بدايه شركتك هتكون الجوكر دا ولما تكبر شويه هيكون في حد تاني معاك جوكر
كلنا بنشوف صوره جيف بيزوس وهو في مكتب امازون في الجراخ وبنقول عاوزين نكون زايه
بس انت شايف صوره هو علي المكتب مشوفتش وهو بينضف المكتب ولا وهو سهران علشان تاسك مش عرف عنها حاجة وبيتعلم علشان تتسلم الصبح
حياه كل شركة ناشئة جوكر بيعمل الحسابات وبيتابع العملاء و بيفكر في التسويق و بيخلص مشاوير
لو مش عندك استعداد تكون جوكر فكر تاني قبل ما تاخد خطوة شركتك وضيف جانب اسمك التلات حروف المعروفين
من رحلتي لدفع ايجار المكتب
