ازاي العميل بفكر وبيحلل المعلومات 

ازاي العميل بفكر وبيحلل المعلومات
مش مهم تعمل اعلان
علي قد ما مهم تعرف امته وازاي و المكان المناسب للاعلان
مش شرط علشان الاعلان ظهر للعميل يبقي هيركز معه

علشان كدا لازم نعرف ان العميل بيمر بــ4 مراحل اساسيه

وهما التعرض الانتقائي ، الانتباه الانتقائي ، الفهم الانتقائي والاحتفاظ الانتقائي.

النظريه بشكل عام قائمه علي ان العميل بيختار الرسائل للي يتفاعل معه وينتبه ليها ودي ببتوافق مع معتقداته و اهتماماته

خلينا متفقين ان العميل بيشوف مِئاتٌ الرسائل الاعلانيه يوميا
ولكنه بيركز مع اعلانات معينه علشان كدا قولنا ان المراحل دي انتقائيه يعني العميل بيختار حتي يركز علي ايه ويتجاهل ايه

يعني لو في اعلان شغال علي التلفيزيون ممكن العميل يقلب او يكمل الاعلان او لو علي الفيس ممكن يقراء الاعلان ووممكن يعديه

في مرحله التعرض الانتقائي ، الانتباه الانتقائي
العميل بيختار يزكر علي ايه ويتجاهل ايه بناء علي اهتماماته

ودا بياخدنا للمرحله التلاته
وهي الفهم الانتقائي وهنا العميل بيفهم الرساله بطريقته وفقنا لافكاره ومعتقداته وتجاربه و ذكرياته
ودا معنه ان كل عيمل بيفسر الرساله. بشكل مختلف.

في الخطوه الاخيره وهي الاحتفاظ الانتقائي
وهي بتدور بشكل اساسي حول اذا كان العميل هيفتكر الاعلان بتاعك عند الشراء. ولا لا

وعلشان نوصل للمرحله الاخير دي لازم يكون الاعلان بتاعنا محدد بشكل واضح للشريحه المستهدفه وفقا لكل الحاجات اللي قولنها �ولذم تكون الرساله الاعلانيه وضحه وبسيطه علشان تتجنب فكره تفسير الرساله من كل شخص بشكل مختلف ودا مش هيحصل من غير تشريح السوق بشكل واضح وصح