الاعلانات مش زاي بعضها
الاعلانات مش زاي بعضها
كلنا بنتابع الاعلانات علي طول ولكن الكل بيتكلم عنها في رمضان ويحلل فيها
خلينا نكون مختلفين او بمعني اصح عامليين شويه ونستغل الكلام عن الاعلانات ونعرف مع بعض
ايه هي انواع الاعلانات علشان لما نشوف اعلان او لما تشتغل ان شاء لله في التسويق تعرف للغه اللي بنتكلم بيها
اولا عاوزك تعرف ان الاعلان دا جزاء من جزاء في التسويق
اه ولله ييعني الاعلان دا موجود تحت المزيج الترويجي و المزيج الترويجي دا نفسه تحت الماركتينج مكس او المزيج التسويقي
مش هطول عليك تعالي نتكلم سريع عن انواع الاعلانات
بس قبل ما اتكلم هقولك ان الاعلانات بتتصنف علي كذا تقسيم احنا هنا هنتكلم عن التصينيف من حيث الهدف من الاعلان
يلا بينا نبداء
اولا : الإعلان التعليمي
ودا الاعلان اللي بيكون الهدف تعليم المستهلكين حاجة معينه عن منتج او خدمه اول مره يسمعو عنها او منتج تم التعديل عليه وعاوزين نعرف الناس
ثانيا : الإعلان الإرشادي
دا بقي بيعرفنا معلومات زايي مثلا الاعلانات اللي انتشرت من فتره علشان التوفير فيي الكهرباء
ثالثا : الإعلان التذكيري
ودا الاعلان الاغلب انتشار اللي الشركات الكبيره بتعمله علشان تفكرنا دائما انها موجوده وانها تفكرك انك تشتري المنتج طبعا
رابعا :الإعلان الإخباري
دا بقي بيكون الهدف منه تقويه عقيده او توضيح حاجة معينه فكرين لما مطعم ام حسن طلع قال انه معه شهادات صحه عالميه وانه بيستخدم مياه معدنيه في الاكل دا بالظبط هو بيعمل دا علشان يقوي الثقه يرد عن اشاعه
خامسا :الإعلان التنافسي
دا بقي الاعلان اللي بيتكلم بشكل واضح عن سلعه او خدمه وبيقارنهم ببعض بشرط يكونو الاتنين في نفس المستوي زاي ما بنشوف اعلانات BMW و مرسيدس
في النهايه متنساش تقولنا ايه اول اعلان جه في بالك دلوقتي
