علشان تعمل فريق عمل متميز لازم تعرف النموذج دا

السر رقم ٣ لما يضرب في ٣ هيكون عندك فريق قوي جدااا

خلينا نتكلم في التفاصيل الراجل بلبين دا قال
اي شركه فيها تلات مجموعات وكل مجموعه فيها تلات عناصر

* او ل مجموعه ودول بتوع التفكير Thinking
١- مفكِّر – Plant ? ودا الشخص اللي بيقولك افكار جديده وابداعيه
بس مشكلته انه ممكن ينسي بسرعه ومش بيتواصل مع الناس علي طول بسبب افكاره الكتير

٢- المراقب -Monitor Evaluator ?
دا بقي دوره مهم علشان بيشوف الافكار من نحيه منطقيه
يعني بيقولك الافكار دي قابله للتنفيذ ولا لا وبيحط استراتيجيه لتنفيذها
بس عنده عيب صغير مش بياخد قرارات بسرعه علشان بيحلل الامور كتير

٣- المتخصص – Specialist ?‍?
الراجل دا بقي عنده مهارات وامكانيات متخصصه في جزء معين من المشروع علشان كدا لازم يكون موجود علشان يقوله وجه نظره في الفكره من ناحيه متخصصه بس للاسف برده عنده مشكله ان التخصص بيخليه محدد في اقسام او ادور محدده

المجوعه التانيه ودي خاصه بالناس – People
١- محقق الموارد -Resource investigator ???
زاي ما هو واضح من اسمه دا الشخص المسئول عن الموارد سواء اشخاص او خامات دا عارف كل كبيره وصغيره من امكانيات الشركه ويقدر يقولك موردنا هتساعدنا علي تحقيق الفكره ولا لا

٢- المنسق – Co-ordinator ???️
دا بقي الشخص الشخص اللي عامل زاي المايسترو في الفرقه الموسيقيه عنده قدره علي توضيح اهداف المنظمه وشرحها بالظبط وتوزيع المهام علي فريق العمل بس هتحس احيانا انه اقل واحد بيشتغل ولكن دوره مهم جدااا

٣- الجوكر – Teamworker ??
دا بقي الشخص اللي ممكن يكمل اي حد في فريق العمل ومهمته الكبري هي تقلليل اي مشاكل تعطل الشغل
ولكن عنده مشكله في اتخاذ القرارات علشان مبيحبش يكون في وضع مشكله

المجموعه التلاته وهي التنفيذين – Action 
1- المنفّذ – implementer ?‍??‍?
دا بقي الشخص اللي بينفذ الافكار اللي في ارض المعركه زاي ما بيقولو
عنده ثقه وخبره عاليه في التنفيذ ولكن معدنوش مرونه كفايه لتغير طريق العمل او حل المشكلات الجديده والطارئه

٢ – المهني – Completer Finisher
دا بقي الشخص اللي بيحط اللمسات الاخيره بيتاكد ان كل حاجه تمام عامل زاي بتاع الجوده كدا مبدآه في الشغل هو زاي ما قال الكتاب هنعمل

٣ – دا بقي اسمه Shaper
عامل زاي الشخص اللي بيجي في افلام زمان ماسك حاجه في ايده وبشرف علي الشغل ماشي صح ولا لا بيطلع المشاكل والعيوب في اللي شغال ويحاول يصلحها
بس مشكلته ان لسانه حاد شويه علشان كدا متخليهوش يتكلم مع الناس كتير

انت اي نوع من دول … لو تعرف انت مين او تعرف حد كدا اعمله منشن
** ملحوظه مهمه مل شخص فينا ممكن يكون بيعمل دور او اكتر من الادوار دي