ازاي تحدد القناه التسويقية علي حسب رحله العميل
اتكلمنا في بوستات قبل كدا عن رحله شراء العميل و كل مرحله بالتفصيل المره دي هنتكلم عن
اي افضل قناه تسويقية لكل مرحله علشان فعلا تستفيد اكبر استفاده من رحله العميل دي
عاوز اقولك انك زمان كان القنوات التسويقية كانت حاجة كدا في اتجاة واحد يعني العميل بيسمع منك رساله نسويقية لكن مش بيتفاعل معها
زاي التفلزيون و الرديو و الجرائد
لكن دلوقتي الحمد لله بقينا نقدر نتفاعل مع العميل و القنوات التسويقية دي بقت في اتجاهين رايح جاي العميل بيستقبل ويرد
من خلال السوشيال ميديا او الموقع الالكتروني او البريد الاكتروني البحث في جوجل و كمان sms واتساب و حاجات كتير جدا
طبعا مع كل الوسائل دي المميزة هتحس بالارتباك و اللخبطة اشتغل علي ايه واسيب ايه
خلينا ناخد ابسط مثال علي رحلة العميل AIDA
او مستوي في الرحله وهو مستوي الوعي
واللي العميل في الغالب ميعرفش في عنك علشان كدا لازم نشوف الطريقة المناسبة اللي يعرفنا بيها
وهنا بندور علي الاماكن اللي زاي الفيس بوك و وسائل التواصل واعلانات جوجل نتورك و يوتيوب علشان الاعلان يظهر فيها
زاي اعلانات الكبيرة في الشارع كدا بيكون الهدف ان اكبر عدد يعرفك و يجذب انتباه
المستوي التاني بقي وهو الاهتمام
ودا المستوي اللي العميل في بيكون مهتم بالمنتج او الخدمة بتاعتك ولكن بيكون محتاج يعرف تفاصيل اكتر عنها
وهنا يجي دور المواقع و المدونات اللي اصحاب الشركات و المسوقين بيستخدموها علشان يقدمو محتوي تفصيلي يشجع العميل علي المشاركة و اتخاذ القرار و ممكن يتم نشر المحتوي دا علي السوشيال
المرحلة التالتة وهي مرحلة الرغبة وهنا العميل بيكون بيرغب في الحصول علي المنتج او الخدمة
و بيكون في مرحله مقارانات بين الشركات المقدمة للخدمة و دا بيخلي يبحث عن الشركات دي
يعني هنا يفضل اظهر للعميل في مرحله البحث من خلال حملات البحث علي جوجل و السيو
في اخر مرحله وهي مرحله الاكشن ( الشراء ) و دي المرحله اللي العميل بيكون فيها عرف هو عاوز ايه و عاوزه منين
وهنا يفضل الاهتمام اكتر ب عمليات البحث ولكن بستخدام حملات فيها كلمات مفتاحيه باسم البرند بتاعك و وجهة بشكل مباشر الي صفحه الشراء
في مرحله اخيره ملهاش علاقه ب نموذج AIDA وهي ما بعد الشراء
هنا يجي دور القنوات اللي تعتبر 1:1 لمتابعه العميل زاي الايميل و sms
وهنا كمان ممكن تزود نسبة مبيعات من خلال استخدام الايميل بعد كدا
ملحوظة هامه :ممكن نستخدم اكتر من طريقة في كل مرحله لكن المهم و انت بتختار الطريقة تكون عارف ان دا المفيد ليك و لرحلة العميل بتاعك علشان ياخد افضل اكشن معاك
ولازم نعرف ان مش كل القنوات ليها نفس الاهداف في قنوات بيع مباشر و قنوات لزياده الوعي بالعلامة التجارية بتاعتك
و في النهاية لازم تجرب و تعرف افضل طريقة مناسبة ليك و لعميلك
